BELLA CHI SAS BELLAS SUNU

Bella ehi sas bellas sunu,
Sas chi ti solen famare.

Bella chi senza dudare,

Bella ti giamat d'ognuna,
Bella chi ses pro modellu,
De d'ogni bella naschida.

Bella chi sas bellas sunu,
Sas chi ti solen famare.

Ses cale rosa fozzida,
Colloccada in rattu bellu,
Ses pura cale giojellu,
O corallu intr'e su mare.

Bella chi sas bellas sunu,
Sas chi ti solen famare.

Ses cale brancu 'e corallu,
Chi naschet in sa marina,
Ses perla diamantina,
De su mare in Portugallu.

Ogn'amante senza vallu,
Esultat pro ti mirare,
Esultat felizemente,
Pro sas rosas de una flora.

Pro sa dea incantadora,
S'incaminat tanta zente,
E cunzentran santamente,
In te bellas pro adorare.

Bella chi sas bellas sunu,
Sas chi ti solen famare.
Cando s'oriente amenu,
brillat cun tantu isplendore.

Cando s'ostinadu amore,
Ti l'esternat in pienu,
E cun cantare serenu,
Faghet ecco a t'istimare.

Bella chi sas bellas sunu,
Sas chi ti solen famare.

Faghes ecco a sos colores,
Chi possedis rosa bella,
Naran senza gautella,
Custa est dea de sos amores,
E tue a tantos onores,
Non das signu 'e d'incurare.

Bella chi sas bellas sunu,
Sos chi ti solen famare.

Non das signu ne t'appenas,
Pro sa tale cumpagnia,
E cun suave armonia,
Chi cantat sa filomena,
Intendo narrer apena,
Inutile est su giamare.

Bella chi sas bellas sunu,
Sas chi ti solen famare.